ಹೊಸ ವರ್ಷ ಹೊಸ ನಿಯಮ?!

ಎಲ್ಲರಿಗೂ ನಮಸ್ಕಾರಗಳು

ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರಲಿದೆ ಹಲವು ಬದಲಾವಣೆ ಈ ಹೊಸ ವರ್ಷದ ಹೊಸ ನಿಯಮಗಳು....,,

ಹಳೆ ವರ್ಷ ಮರಳಿಬಾರದಂತೆ ಹುರುಳಿ ಹೋಗಿದೆ ,ಜಗತ್ತೇ ಹೊಸ ವರ್ಷಕ್ಕೆ ಹೊರಳಿದೆ .ಬದಲಾಗಿದ್ದು ಬರೀ ಕ್ಯಾಲೆಂಡರ್ ಮಾತ್ರವಲ್ಲ ಅದರ ಹೊರತಾಗಿಯೂ ಸಾಕಷ್ಟು ಬದಲಾವಣೆಗಳಾಗಿವೆ. ಆ ಪೈಕಿ ಸಾರ್ವಜನಿಕರ ದೈನಂದಿನ ಜೀವನದ ಮೇಲೆ ಪರಿಣಾಮ ಇರುವಂತಹ ಕೆಲವು ಬದಲಾವಣೆ ಬೆಳವಣಿಗೆಗಳ ಕುರಿತು ಸಂಕ್ಷಿಪ್ತ ವಿವರ ಇಲ್ಲಿದೆ ....

* ಆಧಾರ್ ಉಚಿತ ತಿದ್ದುಪಡಿ :

ಆದಾರ್ ವಿವರಗಳನ್ನು ಆನ್ಲೈನಲ್ಲಿ ಉಚಿತವಾಗಿ ಸಕಾಲಿಕಗೊಳಿಸುವ ಗಡುವು ಡಿಸೆಂಬರ್ 31ಕ್ಕೆ ಮುಗಿದಿದೆ. ಇನ್ನೇನಿದ್ದರೂ ಈ ಪ್ರಕ್ರಿಯೆಗೆ ರೂ.50 ಶುಲ್ಕ ವಿಧಿಸಲಾಗುತ್ತದೆ.

* ಸಿಮ್ ಕಾರ್ಡ್ ಕೆ ವೈ ಸಿ : 

ಮೊಬೈಲ್ ಫೋನ್ ಬಳಕೆದಾರರು ಹೊಸ ಸಿಮ್ ಖರೀದಿಸಬೇಕಾದರೆ ಸಲ್ಲಿಸುವ ಪೇಪರ್ ಆಧರಿತ ಗ್ರಾಹಕರ ವಿವರ ಕೆವೈಸಿ ಡಿಸೆಂಬರ್ 31ಕ್ಕೆ ಕೊನೆಯಾಗಿದೆ .ದೂರ ಸಂಪರ್ಕ ಇಲಾಖೆಯ ನಿಯಮಗಳ ಪ್ರಕಾರ ಜನವರಿ ಒಂದರಿಂದ ಡಿಜಿಟಲ್ ಕೆ ವೈ ಸಿ ಮೂಲಕವೇ ಸಿಮ್ ನೀಡಲಾಗುತ್ತದೆ.

* ಸುಕನ್ಯ ಸಮೃದ್ಧಿ ಯೋಜನೆ ಬಡ್ಡಿದರ ಹೆಚ್ಚಳ: 

ಸುಕನ್ಯ ಸಮೃದ್ಧಿ ಸೇರಿದಂತೆ ಕೆಲವು ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರವನ್ನು ಸರ್ಕಾರ ಹೆಚ್ಚಿಸಿದೆ. ಸುಕನ್ಯ ಸಮೃದ್ಧಿ ಯೋಜನೆ ಯ ಬಡ್ಡಿ ದರ 20 ಮೂಲಾಂಶಗಳಷ್ಟು ಮತ್ತು ಮೂರು ವರ್ಷಗಳ ಅವಧಿ ಠೇವಣಿಯ ಬಡ್ಡಿ ದರ 10 ಮೂಲಾಂಶಗಳಷ್ಟು ಡಿಸೆಂಬರ್ 29ರಂದು ಪರಿಷ್ಕರಿಸಲಾಗಿದೆ. ಈ ಬದಲಾವಣೆ ಜನವರಿಯಿಂದ ಮಾರ್ಚ್ ತ್ರೈಮಾಸಿಕಕ್ಕೆ ಅನ್ವಯಿಸಿ ಜಾರಿಗೆ ಬರಲಿದೆ. ಈ ಮೂಲಕ ಸುಖನ್ಯ ಸಮೃದ್ಧಿ ಯೋಜನೆ ಬಡ್ಡಿ ದರ ಶೇಖಡ ಎಂಟರಿಂದ ಶೇಕಡ 8.2ಗೆ ಮತ್ತು ಮೂರು ವರ್ಷಗಳ ಅವಧಿ ಠೇವಣಿಗೆ ಬಡ್ಡಿ ದರ ಏಳರಿಂದ ಶೇಕಡ 7.1ಕ್ಕೆರಲಿದೆ.

* ಕಾರುಗಳ ಬೆಲೆ ಏರಿಕೆ: 

ಆಟೋಮೊಬೈಲ್ ಕ್ಷೇತ್ರದ ಮುಂಚೂಣಿ ಕಂಪನಿಗಳಾದ ಮಾರುತಿ ,ಸುಜುಕಿ ,ಹೋಂಡಾ ,ಮರ್ಸಿಡೆಸ್ ಮತ್ತು ಆಡಿ ಕಂಪನಿಗಳು ಈಗಾಗಲೇ ದರ ಏರಿಕೆಯನ್ನು ಘೋಷಣೆ ಮಾಡಿದ್ದು ,ಪರಿಷ್ಕೃತ ದರ ಜನವರಿ ಒಂದರಂದು ಜಾರಿಗೆ ಬರಲಿದೆ . ಹೊಸ ವರ್ಷದಲ್ಲಿ ಹೊಸ ಕಾರಿನ ದರ ಈ ಮೊದಲಿಗಿಂತ ದುಬಾರಿ ಆಗಲಿದೆ. 

* ವಿಮೆ ಪರಿಷ್ಕೃತ ಮಾಹಿತಿ:

ವಿಮೆ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ ನಿಯಮಗಳನ್ನು ಸ್ಪಷ್ಟ ಗೊಳಿಸುವ ನಿಟ್ಟಿನಲ್ಲಿ ಗ್ರಾಹಕ ಮಾಹಿತಿ ಪಟ್ಟಿ ಪರಿಸ್ಕರಿಸಿದೆ. ಹೀಗಾಗಿ ಪಾಲಿಸಿದ್ದಾರದು ಜನವರಿ ಒಂದರಿಂದ ಹೊಸದಾಗಿ ವಿವರ ಸಲ್ಲಿಸಬೇಕಾಗುತ್ತದೆ.

* ಮಿಕ್ಕಿ ಮಿನಿ ಮೌಸ್ ಮುಕ್ತ ಬಳಕೆ : 

ಡಿಸ್ನಿ  ಕ್ಯಾರೆಕ್ಟರ್ ಗಳದ ಮಿಕ್ಕಿ ಅಂಡ್ ಮಿನಿ ಮೌಸ್ ನ ಕಾಪಿರೈಟ್ ಅವಧಿ ಡಿ.31 ಕೆ ಮುಗಿದಿದೆ. ಹೀಗಾಗಿ  ವ್ಯಾಂಗ್ಯ ಚಿತ್ರಕಾರರು, ಲೇಖಕರು, ಮತ್ತು ಸಿನೆಮಾ ಕ್ಷೇತ್ರ ಮುಂತಾದವರು ಇದನ್ನು ಜ.1 ರಿಂದ ಮುಕ್ತವಾಗಿ ಬಳಸಬಹುದು.

* ಬ್ಯಾಂಕ್ ಲಾಕರ್ ಒಪ್ಪಂದ :

ಪರಿಷ್ಕೃತ ಬ್ಯಾಂಕ್ ಲಾಕರ್ ಒಪ್ಪಂದಕ್ಕೆ ಡಿ .31 ರ ಒಳಗೆ ಸಹಿ ಹಾಕದಿದ್ದರೆ ಅವರ ಲಾಕರ್ ಗಳು ಸ್ಥಗಿಗೊಳಿಸಲಾಗುವುದು, ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಎಚ್ಚರಿಸಿದೆ. ಹಾಗೆ ಮಾಡದೆ ಇದ್ದವರ ಲಾಕರ್ ಗಳು ಫ್ರೀಜ್ ಆಗಿರಲಿದೆ.

ಧನ್ಯವಾದ...